Verslag PEC'20 4

MVC 7 – PEC 4 = 0-12

Oooohhhh dao gaon v'r weer…. Ooohoooh, onzin van PEC 4.

PEC 4? Yes.. we zien wer truuk beej aaf… iers waren we 4, toen 5 en nou wer 4.

Truuk van wig gewees… de razende reporter van dit beej elkaar geraapt zooitje van aafgekeurde profvoetballers. Unne zomerstop dae good waas, hiel good. Ut kampioensjap van veurig seizoen is duchtig gevierd en sommigen zien nog steeds stukskes film aan ut zeuke, want hebben nimmer helder wat dao allemaol gebeurd is. Guft niks, des een teiken det ut gezellig waas… 

Wat hebben we verder gedaon? Op vakantie geweest (mit en zonger kinger) in NL en angere deilen van Europa. Bosbranden getrotseerd, gezwommen, gegaete (veul), gedronken (mier) en uiteraard aan de conditie gewerkt, want d’r steit wer un zwaor seizoen veur de deur. Laote we uch efkes mitnemen nao de ontwikkelingen op de transfermerret. D’r werd aafsjied genomen van Ludo, Martijn en Bob, mer nao zo’n seizoen wie aafgelaupe jaor staon de speulers te springen um aan te sloete beej os. Technisch duo Knik en Bassie veurde veul gesprekken op dubieuze tiedstippe beej niet nader te noemen Van der Valk hotels mit unne karrevracht aan potentiële aanwinsten. Oeteindelijk is de teller op 5 blieve staeke. 

Vol trots presenteren wae uch: 

Frank Gielen – truuk van lang wig geweest. Jaore nimmer gevoetbald, mer nou al veur veul verdedigers de angst van de reserve 6e klasse.

Ryan Bruisten – truuk van iets minder lang wig geweest. Vreuger unne rappe vleugelflitser, tegenwoordig een manusje van alles in het veld en veural de groëtste zon-aanbidder. (Good smeren..)

Roy van Nienhuijs – Haalt de gemiddelde laeftied good nao beneje- deil 1. Versterking veur de verdediging.

Ward Gommans – haalt de gemiddelde laeftied good nao beneje – deil 2. Zie bovenstaande.

Finn Nicke – haalt de gemiddelde laeftied good nao beneje – deil 3. Zie bovenstaande (en missjien nog middenveld) 

Een paar trainingen achter de ruk op een “graasveld” waor zelfs de meeste koeien nog veur zooje umdreije en seizoen 2026/2027 is begonnen mit de welbekende bekerwidstriede. Veurige waek mit 1-4 verloren van een slummer en baeter Beringe heb ich begrepen. 

2E pot waas oet tegen Bree 7. Nou bleek det toevallig utzelfde team as die van veurig jaor. Die werden toen litste in de competitie en in 2 widstriede makte we mer leefst 26 goals tegen die jonkies. Toen die in de speulerstunnel zooge det ze tegen os moste huurde we al: “Ja, fuck, dao heb ich echt ginne zin in” of “Dan zet mich mer reserve”. Haha.. prachtig hoe minse onger de indruk kinne zien van os. Angersum dachten wae: Gaas d'r op en pak det telraam d’r mer wer beej. 

Behalve unne scheids dae ut allemaol neet kos belaupe en zeen, get kingerachtige opmerkingen van Bree en 1 fabelachtige redding van Kars waas ut einrichtingsverkier richting de goal van MVC. Ut bal werd in de 7e minuut geopend door Lex en binnen 3 minuten stong ut 0-3 door treffers van Ihsan en Cromme. Veur de rust ging de score tot 0-5 door Ward en wer Lex. Flink get wissels in de rust mer ut spel werd d’r neet slechter van. Bree waas op, wooj nimmer, ging vervaelend doon, mer bleef in 1 ding constant: hiel slecht voetballen. As we get sjerper veur de goal waren geweest, heije we de 20 aangetikt en bijna ilke veldspeuler heet wel een kans gehad. Lex mistte missjien de meeste mer makte d’r auk verreweg de meeste. Oeteindelijk 0-12 op het denkbeeldige scorebord. Lex 5x, Cromme 2x, Ihsan 1x, Ward 1x, Dave 1x, Gido 1x en Stef 1x. Dave kreeg het overigens klaor um als vlagger kramp te kriege in de 2e helft, terwiel d’r op ozze helft net zoeveul te doon waas as op unne gemiddelde woenzigmiddig Bej Manders.

Over sponsor Manders gesproken: kroegbaas Wallie geit in de zwaorgewichtklasse un potje stoempe tegen Giel Peulen op het Boxing Gala. Kaup unne goude taofel en veul en preuf ut zweit van die lokale versies van Muhammad Ali en Mike Tyson. Steun KiKa op 25 oktober.

Volgende waek wacht unne oetwidstried tegen Helje en dan zit het bekeravontuur d’r wer op.

Oja, missjien det neet alles in correct dialect is gesjreve, mer ich ving ut good zoë.